Մանկավարժական բաց ճամբարի ամփոփում

Օգոստոսի 16-18-ը Գեղարքունիքի մարզի Մարտունի համայնքի Վաղաշեն գյուղի տարածքում՝ Սևանա լճի գեղատեսիլ ափին, տեղի ունեցավ մանկավարժական բաց ճամբար և ես պատիվ ունեցա ներկա լինել այդ հրաշալի միջոցառմանը: Հագեցած և անչափ տպավորիչ օրեր էին , որոնց ընթացքում ես հանդիպեցի բազմաթիվ տաղանդավոր մանկավարժների, մասնակցեցի բովանդակալից քննարկումների , ճանաչեցի և ինձ համար բացահայտեցի իմ հայրենիքի թաքնված անկյուններից միքանիսը:Ես ՝ինքս ճանապարհորդող մարդ եմ, սակայն նման ձևաչափով ճանապարհորդության երբեք չեմ մասնակցել, հետևապես ՝ սա ևս մեկ առիթ էր ինքնաճանաչվելու, նոր դժվարությունների հետ առանչվելու և դրանք հաղթահարելու համար:

Ուզում եմ առանձնացնել այս ճամփորդության հետ կապված ինձ համար ամենակարևոր դրվագները :Քննարկումները և կլոր սեղանները ՝ իրենց չափազանց կարևոր բովանդակությամբ կարող են անկյունաքարային նշանակություն ունենալ իմ գործունեության համար , քանի որ ես ամբողջությամբ ընկալեցի «Մ.Սեբաստացի » կրթահամալիրում կազմակերպվող հայրենագիտական ճամփորդությունների կարևորությունը, դրանցում բնապահպանական և ազգագրության բովանդակության շեշտադրումը: Ինձ դուր եկան իմ ավագ կոլեգաներ Ա. Բլեյանի և Գ Հովհաննիսյանի առաջադիմական գաղափարները , ես բարձր գնահատեցի նրանց օգտակար լինելու անզուսպ ձգտումը. դա լավագույն օրինակն է երիտասարդ մանկավարժի համար

Ես իմ խորին շնորհակալությունն եմ հայտնում «Մ.Սեբաստացի» կրթահամալիրի տնօրինությանը, որ մանկավարժներին հնարավորություն են տալիս մասնագիտական և անձնային աճ ապրել, ինքնաարտահայտվել ,լինել կարևոր թեմաների քննարկման կիզակետում , մասնակցել որոշումների կայացման գործընթացին:Սա ցույց է տալիս այն պարզ ճշմարտությունը, որ «Մ.Սեբաստացի » կրթահամալիրում, ուսուցիչը կարևոր է:

Ստորև կիսվում եմ մեր եռօրյա ճամփորդության մասին պատմող կադրերով:

Մանկավարժական բաց ճամբարի հրավեր

Այսօր Մխիար -Սեբաստացի կրթահամալիրի կողմից հրավեր եմ ստացել մասնակցելու Մանկավարժական բաց ճամբարի, որը տեղի է ունենալու Գեղարքունիքի մարզի Մարտունի համայնքի Վաղաշեն գյուղի տարածքում՝ Սևանի ափին։Ճամբարը վրանային է և նրան մասնակցելու են «Մխիթար Սեբաստացի» կրթահամալիրի, Գեղարքունիքի մարզի Սևան համայնքի Գագարին քլաստերի դպրոցների, Մարտունի համայնքի, Վայոց ձորի մարզի դպրոցների մանկավարժներ, հասարակական կազմակերպությունների անդամներ և այլ հրավիրված հյուրեր։Ըստ նախատեսված ծրագրի ՝ կազմակերպվելու է

1.Կլոր սեղան՝ բնապահպանական խնդիրներ. հասարակություն-իշխանություն համագործակցություն,

2.Մանկավարժական զրույց քննարկում խարույկի շուրջը՝ հեղինակային կրթական ծրագրի օժանդակությունը փոքրականակ սովորողներով դպրոցներին :

3.Մանկավարժական քննարկում ՝ հայրենագիտությունը արշավների միջոցով

4.Մանկավարժական զրույց խարույկի շուրջը՝ վրանային ճամբար. առավելություններ, թերություններ, առաջարկություններ։

5.Մանկավարժական քննարկում՝ ազգագրությունը ճամբարների, ճամփորդությունների ժամանակ:

Բանախոսելու են Աշոտ Բլեյանը և Գևորգ Հակոբյանը:

Ես շատ մեծ սպասումներ ունեմ այս մանկավարժական ճամբարից , քանի որ համարում եմ, որ բոլոր թեմաները շատ արդիական են և չափազանց կարևոր ՝ կրության որակի բարձրացման, կրթության կազմակերպման մեջ հայագիտության և ազգագրության դերի մեծությունը ընդգծելու առումով , ինչպես նաև բնապահպանական կրթությունը կարևորելու տեսանկյունից:Ես շատ հարցեր և առաջարկություններ ունեմ այս թեմայով և անպայման կբարձրաձայնեմ դրանք:

Մանկավարժական ճամբարը կարևոր եմ համարում ինչպես բովանդակության , այնպես էլ ՝ կազմակերպման ձևի առումով:Այն բաց է, ունի հայրենագիտական ընդգծված բնույթ և ապահովելու է անմիջական քննարկմնա միջավայր: Ճամբարին պատշաճ պատրաստվելու նպատակով ես կատարել եմ մի շարք հետազոտություններ կազմակերպման վայրի աշխարհագրական առանձնահատկությունների վերաբերյալ և ակընկալում եմ ինձ համար բացահայտել այնպիսի նոր վայրեր ինչպիսիք են Ծակքար գյուղը՝ իր բնական հուշարձանով,Բերդկունք գյուղը, Սպիտակ ամրոցը:

Վստահ եմ, որ հիշարժան օրեր եմ ապրելու, շփվելու եմ հետաքրքիր մանկավարժների հետ, հարստացնելու եմ իմ փորձը և կիսվելու եմ իմ մանկավարժական մտքերով: